صحافت کو خاموش کرانے کی مودی حکومت کی کوشش: چندرا بابو

آندھراپردیش کے وزیراعلی چندرا بابو نائیڈو نے کہا ہے کہ سپریم کورٹ،اور ملک کے سرکردہ اداروں کو تباہ کرنے کے بعد مودی حکومت نے روزنامہ ہندو اور این رام کے خلاف آفیشل سکریٹ ایکٹ کے تحت معاملہ دائر کرنے کی دھمکی دی ہے۔

انہوں نے کہا کہ یہ دستور ہند میں دی گئی اظہار خیال کی آزادی کیلئے سنگین خطرہ ہے ۔

چندرابابونائیڈو نے انگریزی زبان میں کئے گئے اپنے دو ٹوئیٹز میں کہاکہ ہندو اخبار اور این رام کی جانب سے سامنے لائی گئی رفائل معاملے کی مبینہ بے ضابطگیوں پروضاحت پیش کرنے کے بجائے مودی حکومت غیر دستوری طریقہ کار اور خوف کا ماحول پیدا کرتے ہوئے صحافت کو خاموش کرانے کی کوشش کر رہی ہے۔

انہوں نے کہا کہ اس سے جمہوریت کے فی الفور زوال کے اشارے ملتے ہیں۔