Train Accidents متحدہ آندھراپردیش اور تلنگانہ میں پیش آئے خطرناک بڑے ٹرین حادثات

تلگو ریاستوں آندھرا پردیش اور تلنگانہ میں ٹرین کے بڑے بڑے حادثات پیش آئے ہیں جن میں درجنوں افراد ہلاک اور سینکڑوں زخمی ہوئے تھے۔ Major Train Accidents happened in the country

حیدرآباد: آندھرا پردیش کے وجیا نگرم ضلع میں ٹرین حادثہ نے متحدہ آندھرا پردیش اور تلنگانہ ریاست میں پیش آئے خطرناک ٹرین حادثات کی یاد دلادی ہے۔ ماضی میں تلگو ریاستوں میں متعدد بڑے ٹرین حادثات پیش آئے ہیں۔ ٹرین کے بڑے حادثات کی تفصیلات اس طرح ہے۔ 21 جنوری 2017: ہیراکھنڈ ایکسپریس حادثہ۔ہیراکھنڈ ایکسپریس 18448، جگدل پور سے بھونیشور جانے والی ٹرین آندھرا پردیش کے وجیا نگرم ضلع میں پٹری سے اتر گئی۔ اس واقعہ میں 41 افرادکی موت ہو گئی تھی، 68 افراد زخمی ہوئے۔ ٹرین میں 600 مسافرسوار تھے۔

30 جولائی 2012: تمل ناڈو ایکسپریس میں آگ: آندھرا پردیش کے نیلور کے قریب تمل ناڈو ایکسپریس میں آگ لگنے سے 47 افراد ہلاک ہو گئے تھے۔ 25 افراد زخمی ہوئے تھے۔ 22 مئی 2012: ہبلی۔بنگلور ہمپی ایکسپریس ٹرین حادثہ: اننت پور ضلع کے پینوکونڈہ میں ٹرین کے پٹری سے اترنے سے 25 افراد کی موت ہو گئی تھی۔ 18 اگست 2006: چنئی۔حیدرآباد ایکسپریس میں آگ:سکندرآباد ریلوے اسٹیشن کے قریب چنئی۔حیدرآباد ایکسپریس کے پانچ ڈبوں میں آگ بھڑک اٹھی تھی۔ اس واقعہ میں مسافر محفوظ رہے۔

29 اکتوبر 2005: رے پلی۔سکندرآباد ڈیلٹا فاسٹ پاسنجر ٹرین ندی میں گرگئی تھی۔ اس حادثہ میں 114 افراد ہلاک ہوگئے تھے۔ 2 جولائی 2003: گنٹور۔سکندرآباد نلگنڈہ ایکسپریس ٹرین کا ایک انجن، دو کوچ ورنگل ریلوے اسٹیشن کے قریب روڈ انڈر بریج سے گرگئے تھے۔ اس حادثہ میں 18 افراد ہلاک ہوگئے تھے۔ 10 اکتوبر 1990: ماونوازوں نے ٹرین جلادی تھی۔ حیدرآباد کے قریب چرلاپلی میں 40 افراد اس وقت زندہ جل گئے جب مشتبہ ماونوازوں نے ٹرین کو آگ لگا دی تھی۔

یو این آئی