معشوقہ کی شادی کرنے پر مایوس عاشق کی خودکشی

ریاست آندھرا پردیش کے وشاکھاپٹنم کے اُٹاگڈہ میں  معشوقہ کی دوسرے لڑکے سے شادی کرنے پر مایوسی ہوکر عاشق نے پھانسی لگا کر خودکشی کرلی۔

یہ واقعہ گذشتہ شام پیش آیا۔ نوجوان کی شناخت 28سالہ بی سائی کمار کے طور پر کی گئی ہے جو وشاکھاپٹنم کے ضلع پریشد جنکشن کے قریب ایک پرائیویٹ اسپتال میں کام کرتا تھا۔

وہ اسی اسپتال میں کام کرنے والی ایک لڑکی سے محبت کرنے لگا اور ان دونوں نے شادی کا فیصلہ کیاتھا لیکن لڑکی کے والدین نے شادی سے انکار کردیا اور اس کی شادی دوسرے نوجوان سے کردی۔

سائی کمار نے بھی تین ماہ قبل شراونی نامی لڑکی سے شادی کر لی لیکن پھر بھی سائی کمار اپنی محبت کو نہیں بھول پایا۔وہ اپنی محبوبہ سے ایس ایم ایس سے باتیں کرتا تھا۔

جب سائی کمار کی بیوی اپنے مائیکے گئی تو اس نے اپنی محبوبہ سے فون پر بات کی اور پھر پھانسی لگاکرخودکشی کرلی۔ پولیس نے اس سلسلہ میں ایک معاملہ درج کرلیا ہے۔