وشاکھاپٹنم کرین حادثہ میں 11 افراد کی ہلاکت پر مرکزی وزیر دفاع راجناتھ سنگھ افسوس کا اظہار کیا اور کہا کہ اس اسلسلہ میں ڈپارٹمنٹل انکوائری کےلیے کمیٹی تشکیل دی گئی ہے۔
راجناتھ سنگھ نے ٹوئٹ کیا کہ ’وشاکھاپٹنم کے ایچ ایس ایل میں پیش آئے گرین حادثہ میں جانی نقصان سے میں کافی غمزدہ ہوں اور میں سوگوار خاندان کے ساتھ ہمدردی کا اظہار کرتا ہوں جبکہ زخمیوں کی جلد صحتیابی کی توقع کرتا ہوں‘۔ اس حادثہ کی وجوہات کا پتہ لگانے کےلیے محکمہ جاتی تحقیقات کی جارہی ہے جس کےلیے ایک کمیٹی بھی تشکیل دی گئی ہے‘۔
مرکزی حکومت نے وشاکھاپٹنم میں پیش آئے حادثے کی تحقیقات کے لیے ایک محکمہ جاتی انکوائری کمیٹی تشکیل دی ہے۔ وزیر دفاع راج ناتھ سنگھ نے حادثے میں جان گنوانے والوں کے لواحقین سے اظہار تعزیت کیا ہے۔
قبل ازیں وشاکھاپٹنم میں ہندوستان شپ یارڈ لمیٹڈ میں کرین گرنے سے 11 ہلاک اور متعدد زخمی ہوگئے۔ حادثہ اس وقت پیش آیا جب مزدور نئی کرین کی جانچ کر رہے تھے۔
حادثہ کے بعد ضلع کلکٹر وی ونئے چند نے صحافیوں کو بتایا کہ ہلاک ہونے والوں میں چار ایچ ایس ایل کے ملازم تھے جس میں ایک سپروائزر شامل ہے جبکہ 7 دیگر مزدور شامل ہیں۔