آندھرا پردیش سے تعلق رکھنے والی سریشا بانڈلا خلا میں پرواز کرنے جارہی ہیں۔ امریکہ کی معروف نجی خلائی ایجنسی 'ورجن گیلیکٹک' کے چھ افراد خلا میں جائیں گے جس میں سریشا بانڈلا بھی شامل ہیں۔
بھارت کی بیٹی خلاء میں پرواز کرنے کو تیار
ورجن گیلیکٹک نے 11 جولائی کو اپنا خلائی جہاز 'یونیٹی -22' لانچ کرنے کا اعلان کیا ہے۔ خلا میں پرواز کے ساتھ ہی سریشا یہ کارنامہ سرانجام دینے والی تیلگو نژاد پہلی خاتون بن جائیں گی۔ خلائی سفر کے دوران سریشا کا کام تحقیق سے متعلق ہوگا۔
آپ کو بتا دیں کہ سریشا بانڈلا نے واشنگٹن میں ایرو اسپیس اور اسٹرو ناٹیکل انجینئرنگ سے گریجویشن کیا۔ جارج واشنگٹن یونیورسٹی سے ایم بی اے کرنے کے بعد سریشا سنہ 2015 سے ورجن گیلیکٹک میں کام کررہی ہیں۔'