Andhra Pradesh Floods: آندھرا پردیش میں سیلاب سے 31 افراد ہلاک، 100 سے زیادہ ٹرینیں منسوخ

آندھرا پردیش میں سیلاب (Andhra Pradesh Floods) کی وجہ سے اب تک 31 افراد کی موت ہو چکی ہے۔ وہیں سیلاب کی وجہ سے چنئی - وجئے واڑہ روٹ پر کم از کم 100 سے زیادہ ٹرینوں کو منسوخ کرنا پڑا۔

آندھرا پردیش میں بارش کی وجہ سے کئی ندیوں کے آبی سطح میں اضافہ ہو گیا ہے۔ پپاگنی ندی پر پُل ٹوٹ جانے کی وجہ سے کڑپپہ اور اننت پورمو اضلاع کے درمیان سڑک کا رابطہ منقطع ہو گیا ہے۔ ساتھ ہی ریاست کو جنوب اور مشرق سے جوڑنے والی مرکزی ریل اور سڑک کا رابطہ بھی منقطع ہوگیا ہے۔ سیلاب کی وجہ سے 100 سے زائد ٹرینیں بھی منسوخ کر دی گئیں ہیں۔

آندھرا پردیش میں سیلاب کی وجہ سے اب تک 31 افراد کی موت ہو چکی ہے۔ اس کے علاوہ ایس پی ایس نیلور ضلع میں چنئی-کولکتہ نیشنل شاہراہ-16 زیر آب ہونے کی وجہ سے ٹریفک بند کرنا پڑا۔ وہیں چنئی - وجئے واڑہ روٹ پر کم از کم 100 سے زیادہ ٹرینوں کو پٹریوں پر سیلابی پانی کی وجہ سے منسوخ کرنا پڑا۔ تین دیگر ٹرینوں کے روٹ کو بدلنا پڑا۔

عہدیداروں نے بتایا کہ سریکالاہستی سے آنے والی گاڑیوں کو ٹوٹمبیڈو چیک پوسٹ پر روکا گیا اور پامورو اور درسی کے راستے بھیجا گیا۔

انہوں نے کہا کہ یہ پُل Veligallu سے آنے والے سیلاب کی وجہ سے منہدم ہوا۔ اتوار کی صبح کڑپہ قصبے میں ایک تین منزلہ عمارت منہدم ہوگئی لیکن کوئی جانی نقصان نہیں ہوا کیونکہ اس میں رہنے والے لوگ اس واقعہ سے چند منٹ قبل بحفاظت باہر نکل آئے تھے۔

انہوں نے کہا کہ دوسری منزل پر پھنسی ماں اور بچے کو پولیس اور فائر فائٹرز نے بحفاظت باہر نکال لیا ہے۔