Skill Development Scam اے پی ہائی کورٹ میں چندرا بابونائیڈو کی کوش پٹیشن پر سماعت 19 ستمبر تک ملتوی

ہائی کورٹ نے اے سی بی کورٹ کو حکم دیا کہ وہ 19 ستمبر کو اگلی سماعت تک ٹی ڈی پی سربراہ اور سابق سی ایم چندرا بابو نائیڈو کی تحویل کے لیے سی آئی ڈی کی طرف سے دائر درخواست پر کوئی انکوائری نہ کرے۔ High Court ordered the ACB court not to conduct any inquiry on the petition filed by the CID

امراوتی (آندھرا پردیش): اے پی ہائی کورٹ میں سابق وزیراعلیٰ چندرابابو نائیڈو کی طرف سے دائرعدالتی ریمانڈ کے حکم کو منسوخ کرنے کی درخواست پر اگلی سماعت 19 ستمبر کو ہوگی۔ سی آئی ڈی نے چندرا بابو کی کوش پٹیشن پر جوابی کارروائی کرنے کے لیے وقت مانگا ہے۔ہائی کورٹ نے سی آئی ڈی کو 18 ستمبر تک کی مہلت دی ہے۔اسکل ڈیولپمنٹ گھوٹالے میں سی آئی ڈی نے نائیڈو کے خلاف مقدمہ درج کیا ہے۔

کیس کی سماعت رواں ماہ کی 19 تاریخ تک ملتوی کر دی گئی ہے۔ تب تک ہائی کورٹ نے اے سی بی کورٹ کو سی آئی ڈی کی طرف سے دائر کی گئی حراست کی عرضی پر سماعت نہیں کرنے کا حکم دیا ہے۔ جانکاری کے مطابق سی آئی ڈی نے وجئے واڑہ اے سی بی کورٹ میں درخواست دائر کی تھی جس میں تیلگو دیشم پارٹی کے سربراہ چندرا بابو کی 5 دن تحویل میں لینے کی درخواست کی گئی تھی۔ دوسری جانب تلگو دیشم پارٹی کے قائدین اور کیڈرس نے ریاست بھر میں احتجاج جاری رکھا ہوا ہے۔

دوسری جانب ، آندھرا پردیش ہائی کورٹ نے کیپٹل انر رنگ روڈ کیس کی درخواست پر سماعت اس ماہ کی 19 تاریخ تک ملتوی کر دی ہے۔ چندرابابو نائیڈو کی جانب سے ہائی کورٹ میں ایک عرضی داخل کی گئی تھی جس میں سی آئی ڈی کے ذریعہ درج اس معاملے میں پیشگی ضمانت کی درخواست کی گئی تھی۔