آندھراپردیش میں دو سڑک حادثات میں چار افراد ہلاک

آندھراپردیش کے دو مختلف مقامات پرپیش آئے دو علیٰحدہ علیٰحدہ سڑک حادثات میں چار افراد ہلاک ہوگئے۔

وجئے نگرم آرڈی اودفتر کے حدود میں گجپتی نگر سے آنے والی لاری کی ٹکر سے ٹو وہیلر پر سور دو افراد موقع پر ہی ہلاک ہوگئے۔مہلوکین میں ایک کانسٹیبل بھی شامل ہے۔

بائیک سے ٹکرانے کے بعد لاری نے سڑک کے کنارے ایک مکان اے ٹکرا گئی۔

اس حادثہ میں دو افراد زخمی ہوگئے۔ان زخمیوں کو علاج کے لئے مقامی اسپتال منتقل کردیاگیا۔

دوسرا حادثہ مغربی گوداوری ضلع میں پیش آیا جس میں ایک جوڑا ہلاک ہوگیا۔تنکو ٹاون کے ارگاورم کالونی کا این ستیش اور اس کی بیوی ٹو وہیلر پر جارہے تھے کہ لاری نے ان کی بائیک کو ٹکر دے دی۔اس حادثہ میں دونوں موقع پر ہی ہلاک ہوگئے۔اطلاع ملتے ہی پولیس وہاں پہنچی جس نے لاشوں کو پوسٹ مارٹم کے لئے بھیج دیا۔

یواین آئی وخ