حیدرآباد: آندھرا پردیش کے کاکناڈا شہر میں پیش آئے سڑک حادثہ میں چارافراد ہلاک اوردیگر دو زخمی ہوگئے۔ یہ حادثہ گنڈے پلی علاقہ میں ملے پلی قومی شاہراہ پر آج صبح کی اولین ساعتوں میں اُس وقت پیش آیا جب ٹاٹا میجک آٹو اور لاری کا تصادم ہوگیا۔ اس حادثہ کے وقت اس آٹو میں 13 افراد سوار تھے۔ حادثہ اتنا خطرناک تھا کہ ایک شخص موقع پر ہی ہلاک ہوگیا جبکہ دیگر تین کی علاج کے دوران راجمندری کے سرکاری اسپتال میں موت ہوگئی۔ Auto and lorry collision in AP
اس حادثہ میں دیگر دو افراد شدید زخمی ہوگئے جبکہ دیگر بقیہ معمولی زخمی ہوئے جن کاعلاج کیاجارہا ہے۔حادثہ کا مقام دلخراش منظر پیش کررہا تھا۔دونوں گاڑیوں کو اس حادثہ میں شدیدنقصان ہوا۔اطلاع ملتے ہی پولیس وہاں پہنچی جس نے راحت کام شروع کرتے ہوئے لاشوں کو پوسٹ مارٹم اور زخمیوں کو علاج کیلئے اسپتال منتقل کیا۔پولیس نے اس سلسلہ میں ایک معاملہ درج کرکے جانچ شروع کر دی۔