حیدرآباد: ریاست آندھراپردیش کے ایلورو ضلع کے چنتل پوڈی ایس سی گرلز ہاسٹل میں کھانا کھانے کے بعد 40 طالبات بیمار ہو گئیں۔ یہ طالبات الٹی اور پیٹ میں درد سے متاثر ہوئیں۔ 18 طالبات کو علاج کے لئے فوری طور پر اسپتال منتقل کیا گیا۔ جوائنٹ کلکٹر ارون بابو نے ہاسٹل کا معائنہ کیا۔ Eluru Students ill after eating food
انہوں نے بعد ازاں اسپتال پہنچ کر لڑکیوں کی صحت کے بارے میں ڈاکٹرس سے معلومات حاصل کیں اور ان کے بہتر علاج کو یقینی بنانے کی ہدایات دیں۔ ساتھ ہی انہوں نے متاثرہ طالبات سے بھی اس واقعہ کی تفصیلات حاصل کیں۔ انہوں نے کہا کہ واقعہ کے ذمہ داروں کے خلاف کارروائی کی جائے گی۔