Prakasam Fire پرکاشم میں چلتی وین میں اچانک آگ لگ گئی

اے پی کے ضلع پرکاشم میں چلتی وین میں اچانک آگ لگ گئی۔ گاڑی میں اس واقعہ کے وقت 8 افراد اور پانچ بچے سوار تھے۔ حالانکہ کسی جانی نقصان کی کوئی اطلاع نہیں ہے۔ Prakasam Van Fire Incident

حیدرآباد: اے پی کے ضلع پرکاشم میں چلتی وین میں اچانک آگ لگ گئی۔ یہ واقعہ ضلع کے درشی منڈل کے وینکٹاچلم پلی میں پیش آیا۔ گاڑی میں اس واقعہ کے وقت 8 افراد اور پانچ بچے سوار تھے۔ یہ وین ضلع کے نرساراوپیٹ جارہی تھی۔ fire in van in Prakasam

اس گاڑی کے وینکٹاچلم پلی گاؤں پہنچنے پر اس میں اچانک دھواں نکلنے لگاجس کے ساتھ ہی وین کے ڈرائیورنے فوری چوکسی کامظاہرہ کرتے ہوئے سڑک کے کنارے گاڑی کو رکوا دیا اور گاڑی میں سوار تمام افراد کو محفوظ طریقہ سے گاڑی سے باہر نکالنے میں کامیابی حاصل کرلی۔

ڈرائیور نے گاڑی کا بونٹ کھولنے کی کوشش کی، اسی دوران اس میں آگ لگ گئی اور دیکھتے ہی دیکھتے یہ گاڑی جل کر خاکستر ہوگئی۔ اس واقعہ میں کسی کی موت نہ ہونے پر تمام نے راحت کی سانس لی۔

یو این آئی