وائی ایس آر کانگریس کے خلاف سی پی آئی ایم کا احتجاج

سی پی آئی ایم آندھراپردیش یونٹ کے سکریٹری پی مدھو نے ریاست کی حکمران جماعت وائی ایس آر کانگریس پر پارلیمنٹ میں دو زرعی بلز کی حمایت کرتے ہوئے کسانوں کے مفادات سے مفاہمت کرنے کا الزام عائد کیا۔

میڈیا سے بات کرتے ہوئے انہوں نے الزام لگایا کہ وائی ایس جگن موہن ریڈی زیرقیادت وائی ایس آر کانگریس حکومت نے ان بلز کی حمایت کے ذریعہ کسانوں کے مفادات بی جے پی زیرقیادت این ڈی اے حکومت کے حوالے کردیئے۔

انہوں نے کہاکہ وزیراعلی جگن موہن ریڈی جنہوں نے آندھراپردیش کو خصوصی درجہ دینے کا مطالبہ کرتے ہوئے مرکز پر دباو ڈالنے کا عزم کیا تھا، نے پارلیمنٹ میں متنازعہ زرعی بلز کی حمایت کرتے ہوئے ریاست کے مفادات کو مرکز کے خودسپرد کردیا ہے۔ انہوں نے افسوس کا اظہار کرتے ہوئے کہاکہ زرعی بلز کی حمایت دراصل کسانوں کے مفادات کی قربانی ہے۔