آندھراپردیش میں کورونا کے 54 نئے کیسز

آندھراپردیش میں ہاٹ سپاٹ کے علاوہ دیگر علاقوں میں بھی کورونا وائرس کے مثبت کیسز پائے جارہے ہیں جو ایک تشویشناک بات ہے۔

آج ریاست میں کورونا کے 54 نئے کیسز مثبت پائےگئے جبکہ وائرس سے متاثرین کی کل تعداد 1,887 ہوگئی ہے۔

تازہ ترین کورونا بلٹین کے مطابق گذشتہ چوبیس گھنٹوں کے دوران 62 مریضوں کو صحتیابی کے بعد ہسپتال سے ڈسچارج کیا گیا ہے، اس طرح اب تک اس وبا سے صحتیاب ہونے والوں کی تعداد بڑھ کر 842 ہوگئی ہے۔

فی الوقت ریاست میں 1,004 کورونا کے مریضوں کا علاج کیا جارہا ہے اور اب تک وائرس کی وجہ سے ریاست میں 41 اموات ہوچکی ہیں۔

تازہ کیسز میں 16 کا تعلق اننت پور، 11 کا وشاکھاپٹنم اور 9 کا مغربی گوداوری سے بتایا گیا ہے۔

گذشتہ چوبیس گھنٹوں کے دوران کرنول میں دو اموات ہوئی ہیں وہیں وشاکھاپٹنم میں بھی وبا سے ایک شخص کے ہلاک ہونے کی کی اطلاع ملی ہے۔

آندھراپردیش میں اب تک ایک لاکھ 56 ہزار 681 ٹسٹ کئےگئے ہیں جن میں سے ایک لاکھ 54 ہزار794 منفی پائے گئے۔