آندھراپردیش : ضعیف جوڑے کا قتل

ریاست آندھراپردیش کے ضلع پرکاشم میں ایک ضعیف جوڑے کو قتل کرنے کا واقعہ اس وقت پیش آیا جب یہ اپنے گھر سو رہے تھے۔

ضعیف جوڑے کے قتل بعد ان کے بیٹے نے شبہ ظاہر کیا ہے اور پولیس کو بتایا کہ اس کے والدین نے خودکشی کی ہے، تاہم پولیس نے اس معاملہ میں کیس درج کرکے تفتیش شروع کردی ہے۔

پولیس اور مقامی افراد کے مطابق 60 برس کے اے وینکٹ ریڈی اور 55 برس کی ادیما جوڑا ضلع کے دارسی علاقہ میں اپنے دو کمرے کے مکان میں اپنے بیٹے نارائنا ریڈی کے ساتھ رہتے تھے۔

چونکہ مالیاتی مسائل کے سبب اس جوڑے نے چند ماہ قبل اپنی اراضی فروخت کردی تھی، وینکٹ ریڈی کے بھائی نے ان کو رہنے کے لیے اراضی کا کچھ حصہ دیا تھا۔

مقامی افراد نے شبہ ظاہر کیا کہ وینکٹ ریڈی کا بیٹا اس اراضی کو بھی فروخت کرنے کے لیے دباؤ بنارہا تھا۔

واضح رہے کہ پیر کی صبح اس جوڑے کی لاشیں خون میں لت پت پائی گئیں، ان کے سر پرزخم کے نشان تھے۔