وجیانگرم ضلع میں ایئرپورٹ کی تعمیر

حکومت اے پی نے وجیانگرم ضلع میں ایئرپورٹ کی تعمیرکے لیے جی ایم آر ایئرپورٹس لمیٹیڈ کے ساتھ معاہدہ کیا ہے۔

ریاست آندھرا پردیش نے وجیانگرم ضلع میں ایرپورٹ کی تعمیر کی سمت پہلا قدم اٹھاتے ہوئے جی ایم آر ایرپورٹس لمیٹیڈ کے ساتھ معاہدہ کیا ہے۔

ایرپورٹ شہر سے تقریبا38کیلومیٹر کی دوری پر بھوگاپورم میں گرین فیلڈ انٹرنیشنل ایرپورٹ کی تعمیر عمل میں لائی جائے گی۔

اس معاہدہ پر دستخط اسپیشل چیف سکریٹری انڈسٹریز و انفراسٹرکچر کاریکل والاون اور صدرنشین جی ایم آر ایرپورٹس لمیٹیڈ جی بی ایس راجو نے کئے۔

گذشتہ4مارچ کو ریاستی کابینہ نے جی ایم آر گروپ کے انتخاب کو منظوری دی تھی تاکہ بھوگاپورم ایرپورٹ کی تعمیر عمل میں لائی جاسکے۔

راجو نے کہاکہ جی ایم آر گروپ عصری انٹرنیشنل ایرپورٹ کی تعمیر عمل میں لائے گا جو 2023تک تیار ہوجائے گا۔

اسی دوران وزیراعلی وائی ایس جگن موہن ریڈی نے کہاکہ اس ایرپورٹ سے شمالی اے پی کی ترقی میں اضافہ ہوگا۔

انہوں نے کہاکہ بھوگاپورم تا ویزاگ ایکسپریس وے کی تعمیر کا منصوبہ ہے تاکہ لوگ تیزی کے ساتھ شہر پہنچ سکیں۔

انہوں نے کہاکہ ویزاگ میں میٹرو ریل نٹ ورک کی تعمیر کا کام بھی کیاجائے گا۔اس کی توسیع بھوگاپورم ایرپورٹ تک کی جائے گی۔