Naidu Release From Central Jail چندرا بابو نائیڈو کو ضمانت ملی، راجمندری سنٹرل جیل سے ہوئے رہا

تلگو دیشم سربراہ چندرا بابو نائیڈو کو آندھرا پردیش ہائی کورٹ نے بڑی راحت دیتے ہوئے ضمانت دے دی ہے۔ اے پی ہائی کورٹ نے چندرا بابو نائیڈو کو عبوری ضمانت دی۔ جس کے بعد اب وہ رہا ہوگئے ہیں۔ چندرا بابو نائیڈو کو اسکل ڈیولپمنٹ بدعنوانی معاملے میں گرفتار کیا گیا تھا۔

حیدرآباد: ٹی ڈی پی لیڈر چندرا بابو نائیڈو کو اسکل ڈیولپمنٹ کیس میں عبوری ضمانت مل گئی ہے۔ ہائی کورٹنے انہیں 4 ہفتوں کے لیے عبوری ضمانت دے دی۔ قبل ازیں پیر کو ہائی کورٹ نے چندرا بابو نائیڈو کی جانب سے طبی وجوہات کی بنا پر عبوری ضمانت دینے کے لیے دائر کی گئی ضمنی عرضی پر اپنا فیصلہ محفوظ کر لیا تھا۔ اس پر آج جج جسٹس تلپراگڈا ملیکارجن راؤنے آج فیصلہ سنایا۔ اسکل ڈیولپمنٹ کیس میں اے سی بی کورٹ کی جانب سے چندرا بابو کو ضمانت دینے سے انکار کے بعد انہوں نے ہائی کورٹ سے رجوع کیا۔ طبی علاج کے لیے عبوری ضمانت دینے کے لیے ایک ضمنی درخواست دائر کی گئی تھی۔ 9 ستمبر کو، سی آئی ڈی نے چندرا بابو کو نندیالہ میں گرفتار کیا۔ بعد میں جب انہیں وجے واڑہ کی اے سی بی عدالت میں پیش کیا گیا تو عدالت نے انہیں ریمانڈ پر دے دیا۔ اس کے ساتھ ہی چندرا بابو کو راجہ مہندراورم جیل منتقل کر دیا گیا۔

چندرا بابو 52 دنوں سے جیل میں تھے۔ حال ہی میں، ہائی کورٹ نے چندرا بابو کو عبوری ضمانت دی ہے۔ وہ دوپہر بعد رہا ہو گئے۔ ٹی ڈی پی لیڈر اور کارکن بڑے پیمانے پر جیل پہنچ گئے ہیں۔ واضح رہے کہ چندرا بابو نائیڈو 52 دنوں کے بعد راجمندری سنٹرل جیل سے رہا ہوئے۔ جب چندرا بابو 52 دن بعد جیل سے باہر آئے تو تلگو دیشم قائدین نے چندرا بابو کو گلے لگایا۔ اس موقع پر چندرا بابو کو دیکھ کر ٹی ڈی پی کے مداح جذباتی ہو گئے۔ چندرا بابو کا خیرمقدم کرتے ہوئے مداحوں نے نعرے بازی کی اور جے چندرا بابو کے نعرے لگائے۔ یاد رہے کہ راجمندری جیل کے گرد ونواح میں آبادی گنجان بن چکی ہے۔