اچن نائیڈو اے پی تلگودیشم کے صدر مقرر

آندھرا پردیش کی اصل اپوزیشن تلگودیشم کے قومی صدر این چندرا بابو نائیڈو نے ریاست کے پارٹی صدر کے طور پر اچن نائیڈو کو مقرر کیا ہے جبکہ تلنگانہ کے پارٹی صدر کے طورپر ایل رمنا برقرار رہیں گے۔

اس سلسلہ میں چندرابابونائیڈو نے پارٹی کی کمیٹی کا اعلان کیا۔اس کمیٹی میں 27اراکین شامل ہیں جبکہ مزید 25افراد کو پارٹی کے پولیٹ بیورو ارکان مقرر کیاگیا ہے۔

تلگودیشم پارٹی کی قومی نائب صدور کے طورپرتین خواتین کو جگہ دی گئی ہے۔جی اروناکماری، پرتیبھابھارتی، ستیہ پربھا سمیت کوٹلہ سوریہ پرکاش ریڈی، تلنگانہ کے رکن اسمبلی ناگیشورراو، سی ایچ کاشی ناتھ کو قومی نائب صدور مقرر کیاگیا ہے۔

پارٹی کا قومی جنرل سکریٹری لوکیش کو بنایاگیا ہے جو چندرابابو کے فرزند ہیں۔ان کے ساتھ ساتھ ورلہ رامیا،ایم پی رام موہن نائیڈو،این رامانائیڈو،روی چندرایادو،کے دیاکرریڈی،بی نرسمہلو،رام موہن راو کو بھی جنرل سکریٹریز بنایاگیا ہے۔