کرونا وائرس کے سلسلہ میں آندھراپردیش نے ہیلت بلیٹن جاری کیا

کرونا وائرس کے سلسلہ میں آندھراپردیش نے ہیلت بلیٹن جاری کیا ہے۔

ریاست میں کرونا وائرس کا ایک مثبت معاملہ سامنے آیا ہے۔ تقریبا 79 افراد کے نمونے تاحال حاصل کئے گئے ہیں ان میں سے ایک مثبت پایا گیا۔ 65 نمونے منفی پائے گئے۔ بقیہ 12کے نمونوں کے نتائج کا انتظار ہے۔

کرونا سے متاثرہ ممالک سے واپس 809 افراد میں سے 247 کو مکمل 28 دن گھروں میں الگ تھلگ رکھاگیا۔ محکمہ صحت وخاندانی بہبود نے کہا کہ 28افراد کو مختلف اسپتالوں میں رکھاگیا ہے۔

گزشتہ روز اے پی کے ضلع نیلور میں ایک طالب علم کرونا سے مثبت پایاگیا تھا۔ یہ نوجوان اٹلی سے دہلی واپس ہوا تھا اور وہاں سے چینئی ایرپورٹ اور پھر اے پی کے نیلور پہنچا تھا۔

اسپیشل چیف سکریٹری جواہر ریڈی نے کہاکہ کرونا وائرس سے متاثرہ نوجوان کا علاج کیا جارہا ہے اور علاج کا اس پر اثر ہورہا ہے۔اس کو جلد ہی اسپتال سے چھٹی دے دی جائے گی۔