سرکاری دفاتر کی منتقلی کے منصوبہ پر اے پی ہائیکورٹ نے روک لگادی

عدالت نے اس سلسلہ میں 26 فروری تک حکم التوا جاری کیا۔ دوسری طرف دارالحکومت امراوتی کو منتقل کرنے کیلئے حکومت کی جانب سے جاری کردہ جی او 13 کے خلاف کسانوں کی عرضی کی سماعت عدالت بدھ کو کرے گی۔

آندھرا پردیش ہائی کورٹ نے ویجلنس کے دفتر کو کرنول ضلع منتقل کرنے کے خلاف دائر کردہ عرضی کی سماعت کی۔ عدالت نے حکومت سے سوال کیا کہ وہ کس طرح دفاتر کو منتقل کرسکتے ہیں جبکہ اس معاملہ پر عدالت نے روک لگائی ہے تاہم ایڈوکیٹ جنرل نے عدالت سے کہا کہ حکومت اس معاملہ پر اندرون تین ہفتے جواب داخل کرے گی۔

عدالت نے اس سلسلہ میں 26 فروری تک حکم التوا جاری کیا۔ دوسری طرف دارالحکومت امراوتی کو منتقل کرنے کیلئے حکومت کی جانب سے جاری کردہ جی او 13کے خلاف کسانوں کی عرضی کی سماعت عدالت بدھ کو کرے گی۔

ایڈوکیٹ کے اندرانل بابو جنہوں نے کسانوں کی جانب سے یہ عرضی داخل کی ہے، ریاستی حکومت اور صدر نشین کیپٹل ریجن ڈیولپمنٹ اتھاریٹی کو مدعا علیہ بنایا ہے۔