”وائی ایس آر نیتنا نیستم“ اسکیم کے تحت ریاست کے ہر بنکر کو سالانہ 24000 روپئے کی مالی امداد حاصل ہوگی۔
وزیراعلی وائی ایس جگن موہن ریڈی نے کیمپ آفس میں بٹن دبا کر اسکیم کےلیے فنڈ جاری کئے۔ وزیراعلی نے بعد ازاں ویڈیو کانفرنس کے ذریعہ اس اسکیم کے استفادہ کنندگان سے تبادلہ خیال بھی کیا۔
اس اسکیم کے تحت ریاستی حکومت ریاست کے 81,024 بنکر خاندانوں کے بینک کھاتوں میں 194.46 کروڑ روپئے کی رقم راست طور پر جمع کروائے گی۔
آندھراپردیش حکومت کوویڈ19 کے بحران کے پیش نظر تمام بنکروں کو 6 ماہ کی مالی امداد فراہم کررہی ہے۔ اس اسکیم کا آغاز 17 جون کو ہونے والا تھا تاہم بعد ازاں اس کو 20 جون تک ملتوی کردیا گیا تھا۔
وزیراوعلی نے راست طورپر استفادہ کنندگان کے بینک کھاتوں میں رقم جمع کروانے کی ہدایت دی تھی۔اس موقع پر وزیراعلی نے کہا کہ اس اسکیم کامقصد بنکروں کے ذریعہ معاش کو بہتر بنانا ہے اوران کو مالی امداد فراہم کرنا ہے۔انہوں نے تلگودیشم کے دورحکومت پر نکتہ چینی کرتے ہوئے کہاکہ چندرابابو کے دورحکومت میں انہوں نے 200کروڑروپئے بھی صرف نہیں کئے تاہم وائی ایس آرکانگریس حکومت کسانوں کی بہبود کے لئے 406کروڑروپئے صرف کررہی ہے۔