مشرقی گوداوری: بجلی کے پول سے ٹکرائی کار، دو افراد ہلاک

آندھرا پردیش میں ایک کار بجلی کے پول سے ٹکرا گئی جس کے نتیجہ میں کرنٹ لگنے سے دو افراد بشمول کار ڈرائیور ہلاک ہوگئے۔ یہ واقعہ ضلع مشرقی گوداوری کے مالی سالا گاوں کی قومی شاہراہ پرپیش آیا۔

مغربی گوداوری پولیس نے کہا کہ یہ حادثہ اُس وقت پیش آیا جب ایک خاندان جمعرات کی صبح مشرقی گوداوری ضلع کے گوکاورم ٹاون سے ویزاگ کو واپس ہورہا تھا۔

پولیس نے کہا کہ اس کار کے بجلی کے پول سے ٹکراجانے کے بعد بجلی کے تار کار پر گرپڑے جس کے نتیجہ میں دو افراد وشاکھاپٹنم کے 56 سالہ ہنمنت راو اورمشرقی گوداوری ضلع کے 41 سالہ ستیش کی موت ہوگئی۔

اس حادثہ کے وقت کار میں موجود تین افراد معمولی طورپر جھلس گئے جو کار کی پچھلی نشست پر سوار تھے۔ ان کو علاج کے لئے قریب کے اسپتال منتقل کر دیا گیا۔