تفصیلات کے مطابق وینکٹیشورلو ضلع گنٹور کے کلکٹریٹ کے قریب میڈیا سے خطاب کررہے تھے تاہم اچانک ان کو الٹیاں آنی شروع ہوگئیں اور ان کی صحت بگڑ گئی جس کے بعد ان کوفوری طورپر قریبی اسپتال منتقل کردیاگیا۔
کلکٹر کے دفتر کے قریب زنجیری بھوک ہڑتال کرنے والی ایم پی ڈی او سے ملاقات کے لئے وہ بدھ کی صبح وہاں پہنچے تھے۔
اس موقع پرانہوں نے بھوک ہڑتالی رہنماؤں سے بات کرتے ہوئے ان کو یقین دہانی کرائی کہ آندھراپردیش کے وزیراعلی وائی ایس جگن کے علم میں ان کے مسائل کو وہ لائیں گے اور ان کے مسائل حل کئے جائیں گے۔
جب وہ میڈیا سے بات کررہے تھے تو اسی دوران اچانک ان کی صحت بگڑ گئی اور ان کو الٹیاں آنی شروع ہوگئیں جس پروہاں موجود افراد نے ان کو فوری طورپر مقامی اسپتال میں داخل کرادیا۔وہ اسپتال میں زیرعلاج ہیں۔
