چند گھنٹے بعد دولہا شادی خانہ سے فرار

نابالغ سے شادی کے چند گھنٹے بعد ہی دولہا شادی خانہ سے فرار ہوگیا۔

یہ واقعہ آندھرا پردیش کے ضلع اننت پور کے کدری ڈیویثرن میں پیش آیا۔تفصیلات کے مطابق اوبل ریڈی پلی کے رہنے والے شخص نے اپنی بھانجی سے شادی کی تھی۔

شادی کے وقت اس کے رشتہ داروں نے وعدہ کیا تھا کہ تین تولے کے زیور دیئے جائیں گے تاہم شادی کے موقع پر زیور دینے میں لڑکی کے رشتہ دار ناکام ہوگئے جس کے بعد دولہا شادی خانہ چھوڑ کرچلاگیا۔

بعد ازاں اس نے 100نمبر ڈائل کرتے ہوئے پولیس کو اطلاع دی کہ اس کی بھانجی سے شادی کے لئے اس کو زبردستی کی گئی۔پولیس نے دونوں فریقین کی کونسلنگ کی۔

پولیس کو پتہ چلا کہ لڑکی نابالغ ہے۔چند سال پہلے ہی لڑکی کے والدین کی موت ہوگئی تھی اور اس کے رشتہ داروں نے اس کی شادی کی ذمہ داری ادا کی تھی۔