آندھرا پردیش کے وزیراعلیٰ نے پی وی سندھو کو تحویل اراضی کے دستاویز سونپے

آندھرا پردیش کے وزیراعلیٰ وائی ایس جگن موہن ریڈی نے وشاکھا پٹنم میں بیڈمنٹن اکیڈمی کے قیام کے لئے دو ایکڑ تحویل اراضی کے دستاویز بیڈمنٹن چمپیئن پی وی سندھو کو سونپ دیے۔

آندھرا پردیش کے وزیراعلیٰ وائی ایس جگن موہن ریڈی نے یہاں بدھ کے روز وشاکھا پٹنم میں بیڈمنٹن اکیڈمی کے قیام کے لیے دو ایکڑ تحویل اراضی کے دستاویز بیڈمنٹن چمپیئن پی وی سندھو کو سونپ دیے۔

وزیراعلیٰ نے کیمپ دفتر میں پی وی سندھو کو تحویل اراضی کے سرکاری حکم نامے کی کاپی سونپتے ہوئے انہیں اولمپک کے لئے نیک خواہشات پیش کیں۔ اس دوران انہوں نے ریاست کی دو بیڈ منٹن کھلاڑیوں سندھو اور آر ساتوک سَیراج کے ساتھ ساتھ ٹوکیو اولمپک 2020 میں حصہ لینے والی ریاست کی خاتون ہاکی پلیئر رجنی کو پانچ لاکھ روپیے کی ترغیبی رقم پیش کی۔

رجنی کی جانب سے ان کے والدین نے پروگرام میں حصہ لیا اور چیک حاصل کیا۔ ضلع چِتّور کی رہنے والی رجنی فی الحال بنگلورو میں ٹریننگ سیشن میں حصہ لے رہی ہیں۔

ریاست کی سیاحت، ثقافت اور جوانوں کی ترقی کی وزیر مُتّمسیٹّی شری نواس راؤ اور چیف سکریٹری رام گوپال بھی پروگرام میں شریک تھے۔

(یو این آئی)