آندھراپردیش میں کورونا کے 48 نئے کیسز

تلگو ریاست میں روزبرو کوویڈ۔19 وبا کے مریضوں کی تعداد میں اضافہ ہوتا جارہا ہے۔

آندھراپردیش میں کورونا وائرس کے 48 نئے مثبت معاملات درج ہوئے ہیں۔

محکمہ صحت کی جانب سے جاری کئے گئے ہیلتھ بلٹین کے مطابق 48 نئے معاملات کے ساتھ ہی کورونا وائرس کے مریضوں کی کل تعداد بڑھ کر 2137 تک جاپہنچی ہے۔

ریاست میں اب تک 1142 مریض اس وبا سے صحتیاب ہوئے ہیں جنہیں ہسپتال سے ڈسچارج کردیا گیا اور فی الوقت 948 کورونا مریضوں کا علاج کیا جارہا ہے جبکہ اس وبا سے 47 اموات ہوئی ہیں۔

نئے کیسز میں 3 کا تعلق اننت پور، 11 کا چتور، 4 مشرقی گوداوری، 12 کا گنٹور، 3 کا کرشنا، 7 کرنول جبکہ 8 دیگر شامل ہیں۔