سڑک حادثے میں دو افراد ہلاک

ایک المناک سڑک حادثے میں دو افراد شدید طور پر جھلس گئے تھے۔

حادثہ اتنا خطرناک تھا کہ ایک لاری کا ڈرائیور اور کلینر جھلس کر موقع پر ہی ہلاک ہوگئے۔ یہ حادثہ گذشتہ نیم شب پیش آیا۔

مقامی افراد اور پولیس نے بتایا کہ جمعرات کی صبح ضلع کے گڈی واڑہ دیہات کی 26 ویں قومی شاہراہ پر ٹھہری ہوئی لاری کو وشاکھاپٹنم سے پاروتی پورم کیمیکل کے لوڈ کے ساتھ جانے والی لاری نے ٹکر دے دی جس کے بعد کیمیکل کی لاری میں آگ لگ گئی۔ اس میں موجود مدھیہ پردیش کا ڈرائیور رام چندر یادو (40 برس) اور کلین پرکاش سنگھ (30) جھلس کر ہلاک ہوگئے۔

اس حادثہ کے نتیجہ میں رات میں تقریبا 3 بجے سے 6 بجے کے درمیان شاہراہ پر گاڑیوں کی آمد ورفت میں خلل پڑا۔ مقامی افراد نے اس حادثے کی اطلاع پولیس کو دی جس کے بعد پولیس فوری طورپر وہاں پہنچی اور گاڑیوں کی آمد ورفت کو بحال کیا۔ پولیس نے تفصیلات حاصل کرتے ہوئے لاشوں کو پوسٹ مارٹم کے لیے بھیج دیا اور اس سلسلہ میں ایک معاملہ درج کرلیا۔ یہ حادثہ اتنا خطرناک تھا کہ دونوں لاریوں کو شدید نقصان پہنچا۔