ڈورو: نوجوان عسکری صفوں میں شامل

ضلع اننت ناگ کے دہرونہ ڈورو کے لاپتہ نوجوان عسکریت پسندوں میں شامل ہوگیا ہے۔

جنوبی کشمیر کے ضلع اننت ناگ کے ڈورو کے دہرونہ سے دس روز قبل ایک نوجوان لاپتہ ہو گیا تھا۔ کنبہ نے اس سے گھر واپس آنے کی اپیل کی۔

اہل خانہ کے مطابق وہ 10 ستمبر سے لاپتہ ہے۔ انہوں نے اس کی شناخت طالب بٹ ولد محمد ایوب بٹ سانہ دہرونہ ڈورو کے نام سے کی۔

واضح رہے کہ کل شام ایک غیر مصدقہ آڈیو میسج کے ذریعے طالب نے عسکریت پسندوں میں اپنی شمولیت کا اعلان کر دیا۔ طالب ایک یتیم ہیں، جس کے ماں باپ کچھ سال قبل اس دنیا سے رخصت ہو گئے۔ فی الحال وہ اپنے ماموں کے ساتھ رہتا تھا۔