اننت ناگ: سڑک حادثے میں خاتون ہلاک

براری آنگن نامی گاؤں میں موٹر سائیکل سوار نے ایک خاتون کو ٹکر مار دی جس میں ساجا بیگم نامی خاتون ہلاک ہو گئی۔

جنوبی کشمیر کے ضلع اننت ناگ میں شانگس حلقے کے علاقہ براری آنگن میں بدھ کی صبح ایک 68 سالہ خاتون سڑک حادثے میں ہلاک ہو گئی۔

اطلاعات کے مطابق براری آنگن نامی گاؤں میں موٹرسائیکل سوار نے ایک خاتون کو ٹکر مار دی جس میں ساجا بیگم نامی خاتون شدید زخمی ہو گئی۔

اس کو فوری طور پر نزدیکی ہسپتال پہنچایا گیا، جہاں ڈاکٹروں نے اسے مردہ قرار دے دیا، اس واقعے کے بعد موٹرسائیکل سوار موقع سے فرار ہو گیا۔

پولیس نے حادثے کے بعد ایف آئی آر درج کر کے مقدمہ درج کیا اور اس معاملے میں مزید تفتیش کی جا رہی ہے۔