اننت ناگ: ریچھ کے حملے میں خاتون زخمی

خاتون پر اس وقت حملہ ہوا جب وہ اپنے باغ میں تھی۔ ان کے باغ میں اچانک ریچھ نمودار ہوا اور دیکھتے ہی دیکھتے ریچھ نے خاتون پر حملہ کیا۔

ضلع اننت ناگ کے کوکرناگ علاقے میں ریچھ کے حملے میں ایک خاتون شدید زخمی ہو گئی۔

اطلاعات کے مطابق سینزی گڈول کے عبدال احد وگے کی اہلیہ آمنہ بانو پر ریچھ نے حملہ کر دیا۔ مذکورہ خاتون پر اس وقت حملہ ہوا جب وہ اپنے باغ میں تھی۔ ان کے باغ میں اچانک ریچھ نمودار ہوا اور دیکھتے ہی دیکھتے ریچھ نے خاتون پر حملہ کیا۔

زخمی خاتون کو کوکرناگ کے سب ضلع اسپتال پہنچایا گیا۔ آخری اطلاع ملنے تک خاتون کا علاج جاری تھا۔