سسرال والوں پر لڑکی کو جلانے کا الزام

لڑکی کو جلانے کی خبراس کے آبائی گاؤں میں پھیلی تو وہاں احتجاج شروع ہوا۔

ضلع اننت ناگ کے آکورا مٹن علاقے میں ایک خاتون کو تیل ڈال کر جلا دینے کا معمالہ سامنے آیا ہے۔ الزام ہے کہ سسرال والوںنے خاتون پر مٹی کا تیل چھڑک کر آگ لگا دی۔ اس کے بعد خاتون کو فوری طور پر گورنمنٹ میڈیکل کالج اننت ناگ پہنچایا گیا، جہاں ڈاکٹروں نے انہیں اعلی علاج کے لئے سری نگر ریفر کر دیا۔

ایس ایچ او مٹن وسیم احمد نے بتایا کہ اس حوالے سے انہیں صبح ہی شکایت موصول ہوئی ہے اور یہ واقعہ جھگڑا ہونے کے بعد پیش آیا۔ انہوں نے کہا، 'ہم نے فوری طور پر ایک ٹیم کو کیس کی تفتیش کے لیے سری نگر کے ہسپتال بھیجا ہے۔ اس تعلق سے مقدمہ درج کرلیا گیا ہے اور تفتیش جاری ہے'۔

غور طلب ہے کہ لڑکی کو جلانے کی خبر اس کے آبائی گاؤں میں پھیلی تو وہاں پر احتجاج شروع ہوا۔ مقامی لوگوں نے اس خاتون کے سسرال والوں کے خلاف فوری کارروائی کا مطالبہ کیا ہے اور متاثرہ کو انصاف فراہم کرنے کا بھی مطالبہ کیا۔