ویری ناگ : فوج کی جانب سے اسکل ڈیولیپمینٹ پروگرام

فوج کی ٹو سیکٹر کے کمانڈر، بریگیڈیئر ٹی ایس ٹھاکر نے کہا کہ کشمیری نوجوانوں کو باصلاحیت بنانے اور انہیں معاشی طور پر خودمختار بنانے کی غرض سے فوج دیگر محکموں کے ساتھ مل کر کام کر رہی ہے۔

اننت ناگ کے کپرن ویری ناگ میں 19 راشٹریہ رائفلز کی جانب سے اسکلز ڈیولپمینٹ پروگرام منعقد کیا گیا۔ اس دوران نوجوانوں کو خودمختار بنانے کے لیے ٹریننگ دی گئی، پروگرام میں نوجوانوں کو خود روزگار کمانے کا اہل بنانے کی غرض سے پولٹری، شیپ و اینیمل ہسبینڈری کے یونٹ قائم کرنے کے لئے خصوصی تربیت دی گئی۔

اسکل ڈیولپمنٹ پروگرام میں شرکت کے دوران فوج کی ٹو سیکٹر کے کمانڈر، بریگیڈیئر ٹی ایس ٹھاکر نے کہا 'کشمیری نوجوانوں کو باصلاحیت بنانے اور انہیں معاشی طور پر خودمختار بنانے کی غرض سے فوج دیگر محکموں کے ساتھ مل کر کام کر رہی ہے'۔

اس موقع پر سی او 19 آر آر کرنل دھرمیندر یادو و دیگر افسران بھی موجود رہے۔ اس تربیتی پروگرام میں کئ نوجوانوں نے شرکت کی اور کہا کہ فوج کی جانب سے اسطرح کے پروگرام زمینی سطح پر تبدیلیاں لانے میں کافی کارگر ثابت ہو سکتے ہیں۔