Unseasonal Rains In Kashmir کھرم درگاہ میں سینکڑوں کسانوں نے موسمی صورتحال میں بہتری کیلئے دعا کی

وادی میں رواں برس خراب موسم نے کسانوں کا حال بے حال کر دیا ہے۔ مسلسل بارشوں، تیز ہواؤں اور ژالہ باری نے نہ صرف ہارٹیکلچر بلکہ ایگریکلچر سیکٹر سے وابستہ لاکھوں افراد کو پریشانی میں مبتلا کیا ہے۔

اننت ناگ: ابتر موسمی صورتحال سے نجات حاصل کرنے کی غرض سے ضلع اننت ناگ کے مرہامہ اور اس کے متصلہ علاقہ جن میں ڈوڈو، پنچپورہ ،کے سینکڑوں کسانوں نے اجتماعی طور کھرم درگاہ حضرت بل تک پیدل سفر کرکے درگاہ پر حاضری دی.لوگوں نے برستی بارش کے بیچ تقریباً 12 کلو میٹر کا فاصلہ طے کیا اور کھرم درگاہ پہنچ میں خصوصی دعائے کی۔ اس دوران درگاہ میں کئی دیگر ملحقہ علاقے لوگوں نے بھی ان کے ساتھ شرکت کی۔درگاہ میں نماز ظہر، نوافل ختمات المعظمات اور خاص دعائیں کی گئیں اور اللہ تعالی سے غیر متوقع بارشیں ،ژالہ باری اور قدرتی آفات سے نجات مانگی گئی ۔

قابل ذکر ہے کہ وادی میں رواں برس خراب موسم نے کسانوں کا حال بے حال کر دیا۔غیر موزوں موسمی صورتحال نے کسانوں خاص کر میوہ صنعت سے وابستہ افراد کو مایوس کر دیا ہے۔ رواں برس مسلسل موسم خراب رہنے کے دوران ژالہ باری ہونے سے فصلوں خاص کر میوہ باغات کو کافی نقصان پہنچا،جس سے باغ مالکان میں تشویش کی لہر دوڑ گئی ہے۔ وہیں مسلسل بارشیں کے سبب درجہ حرارت میں نمایاں کمی آئی ہے جس کی وجہ سے میوہ باغات میں اسکیب کی بیماری پھوٹ پڑ گئی ہے۔وہیں دھان کی پنیری کا موسم قریب ہے تاہم پنیری کی نرسری بھی ابتر موسم کی وجہ سے خراب ہوگئی ہیں۔اسی طرح مختلف تازہ سبزیوں کا بھی یہی حال ہے ،مسلسل بارشیں ،تیز ہواؤں اور ژالہ باری نے نہ صرف ہارٹیکلچر بلکہ ایگریکلچر سیکٹر سے وابستہ لاکھوں افراد کو پریشان کر کے رکھ دیا ہے۔

کسانوں کا کہنا ہے کہ گزشتہ برس میوہ کو معقول قیمتیں نہ ملنے کے سبب وہ پہلے ہی مالی بدحالی کا شکار ہیں اور وہ رواں برس اچھے فصل کی امید لگا کر بیٹھے تھے تاکہ ان کے گزشتہ نقصانات کی بھر پائی ہو سکے۔تاہم ابتر موسمی صورتحال نے ان کی ساری امیدوں پر پانی پھیر دیا۔انہوں کہا کہ وہ اپنی امیدوں کو جگانے کے لئے اپنے پُرخوں ،اجدادوں کی طرح مقدس جگہ پر پیدل جانے کا انتخاب کیا ،تاکہ وہ وہاں پر سر بہ سجود ہو کر خاص دعائیں اور منتیں مانگے تاکہ اللہ تعالی ان کو اس مصیبت کی گھڑی سے آزاد کرے اور ان کے جان و مال کو تحفظ فراہم ہو سکے۔