ضلع اننت ناگ میں نہانے کے دوران دو کمسن بچے غرقاب

ضلع اننت ناگ کے کھرم علاقہ میں نہانے کے دوران دو کمسن بچے پانی میں ڈوب کر ہلاک ہو گئے، جس سے علاقے میں سراسمیگی ہے۔

ضلع اننت ناگ کے کھرم علاقہ میں چودہ سالہ دو کمسن لڑکے اس وقت ڈوب کر ہلاک ہو گئے جب وہ اسی علاقہ سے بہہ رہی ڈوڈو کنال میں نہانے کے لیے اترے تھے۔ جس دوران پانی کے تیر بہاؤ کی وجہ سے وہ غرقاب ہو گئے۔

مقامی لوگوں کی مدد سے اگرچہ دونوں لڑکوں کو نہر سے بازیاب کرکے نزدیکی ہسپتال منتقل کیا گیا تاہم ڈاکٹرز نے انہیں مردہ قرار دے دیا۔

مہلوکین کی شناخت کھرم اچھدر گالن کے رہنے والے ابرار احمد اور وسیم احمد کے بطور ہوئی ہے۔

اس واقعہ کے بعد علاقہ میں ماتم کی لہر دوڑ گئی ہے۔