اننت ناگ: آتشزدگی میں لاکھوں کا نقصان

لاکھوں کی املاک راکھ کے ڈھیر میں تبدیل ہوگئی، فائر اینڈ ایمرجنسی نے بروقت کارروائی کرتے ہوئے آگ پر قابو پا لیا۔

ضلع اننت ناگ کے کوکرناگ میں واقع خشناگ میں آج صبح ہارون احمد دوئی کے گھر میں شارٹ سرکٹ ہونے کے وجہ سے آگ لگ گئی۔ آگ میں دونوں مکان اور ان میں موجود لاکھوں روپے کی املاک راکھ کے ڈھیر میں تبدیل ہو گئی۔

بتایا جا رہا ہے کہ دونوں مکان مالک پیشے سے مزدور تھے۔ چونکہ مقامی لوگوں نے فائر اینڈ ایمرجینسی کوکرناگ کو آگ پر قابو پانے کی غرض سے مطلع کیا، فائر اینڈ ایمرجنسی کوکرناگ کی بروقت کارروائی سے آگ کو مزید پھیلنے سے روکا گیا۔ جس کی مقامی لوگوں نے کافی ستائش کی ہے۔

بتایا جا رہا ہے کہ آگ بجلی کے شارٹ سرکٹ سے لگی۔ مقامی لوگوں نے ضلع انتظامیہ سے مطالبہ کیا ہے کہ وہ متاثرین کی امداد کریں، تاکہ وہ اپنے اہل خانہ کے تئیں کوڈ-19 کی مہاماری میں پھر سے اپنی زندگی کا گزر بسر کر سکیں۔