بھیڑوں سے بھرے ٹرک جواہر ٹنل کے پاس ضبط

وادی میں داخل ہونے والے بھیڑوں سے بھرے ہوئے 16 ٹرک کو آج صبح جواہر ٹنل پار کرنے کے بعد محکمہ فوڈ اینڈ سول سپلائر کے اہلکاروں نے ضبط کر لیا۔

اس کے بعد کھنہ بل میں ان بھیڑوں کو متعلقہ ضلع ہیڈکوارٹر سے روانہ کیا گیا اور جہاں سے انہیں سرکار کی جانب سے طے شدہ نرخوں پر فروخت کیا جائے گا۔

محکمہ فوڈ اینڈ سول سپلائر کے اسسٹنٹ ڈائیریکٹر اننت ناگ نے اس موقع پر کہا کہ 'یہ اقدام گوشت کے نرخوں پر قابو پانے کے لئے اٹھایا گیا ہے اور مستقبل میں بھی ایسے قدم اٹھائے جائیں گے'۔