ٹرک کی زد میں آنے سے نوجوان ہلاک

جموں و کشمیر کے ضلع اننت ناگ کے سنگم میں ٹرک کی زد میں آنے سے نوجوان ہلاک ہو گیا۔

اطلاعات کے مطابق ضلع کے سنگم قومی شاہراہ کے مقام پر ایک سڑک حادثہ پیش آیا جس دوران ایک موٹرسائیکل سوار کی موقعہ پر ہی موت واقع ہوئی۔

موٹر سائیکل سوار تیز رفتار ٹرک کی زد میں آگیا، جس دوران موٹر سائیکل سوار کی موقعہ پر ہی موت ہوگئی۔

ہلاک شدہ کی شناخت میلہورہ کے رہنے والے پچیس سالہ نوجوان سبزار احمد کوکہ کے بطور ہوئی ہے سب ضلع ہسپتال بجبہاڑہ میں نوجوان کی لاش کا پوسٹ مارٹم و دیگر قانونی لوازمات پورا کرنے کے بعد لواحقین کے حوالے کیا گیا۔

پولیس نے اس سلسلہ میں ایک معاملہ درج کیا ہے۔