بانہال - قاضی گنڈ فور لین ٹنل پر ٹرائل رن کا کامیاب تجربہ

سرینگر - جموں قومی شاہراہ پر تعمیر کی جارہی بانہال - قاضی گنڈ فور لین ٹنل پر ٹرائل رن کا کامیاب تجربہ کیا گیا، آفیشلز کے مطابق ٹنل کو عنقریب ہی ٹریفک کی آمد و رفت کے لیے بحال کیا جائے گا۔

آٹھ کلومیٹر لمبی فور لین قاضی گنڈ - بانہال ٹنل کے سبب سرینگر سے جموں کی مسافت میں قریب 20 کلو میٹر کی کمی واقع ہوگی۔

asdf

ماہرین کے مطابق دو ہزار ایک سو (2,100) کروڑ روپے کی لاگت سے تیار کی گئی فور لین ٹنل سردیوں خصوصاً برف باری کے ایام میں بھی ٹریفک کی نقل و حرکت کے لیے کھلی رہے گی۔ جس کے سبب سرینگر - جموں قومی شاہراہ پر سفر مزید آسان ہو پائے گا۔

قابلِ ذکر ہے کہ جون 2011 میں فور لین ٹنل پر کام شروع کیا گیا تھا جسے رواں برس مارچ میں پایہ تکمیل کو پہنچانا تھا۔

آفیشلز کے مطابق ٹرائل رن کے کامیاب تجربے کے بعد ٹنل کو عنقریب ہی ٹریفک کی نقل و حمل کے لیے بحال کیا جائے گا۔