Tourist Dies in Bijbehara حرکت قلب بند ہونے سے سیاح کی موت

پیر کے روز اننت ناگ کے بجبہاڑہ علاقہ میں ایک سیاح کی موت حرکت قلب بند ہونے سے ہوئی ہے۔ متوفی کی شناخت چھتیس گڑھ کے رہنے والے ضیاء الدین شیخ کے بطور ہوئی ہے۔

اننت ناگ:سرکاری ذرائع کے مطابق چھتیس گڑھ کے ایک سیاح کی جنوبی کشمیر کے ضلع اننت ناگ کے بجبہاڑہ علاقے میں دل کا دورہ پڑنے سے موت واقع ہو گئی۔ذرائع کا کہنا ہے کہ رائے پور چھتیس گڑھ کے رہنے والے ضیاء الدین شیخ جس کی عمر 67 سال بتائی جا رہی ہے آج صبح بجبہاڑہ علاقے میں بے ہوش ہو کر سڑک پر گر گیا۔اگرچہ انہیں بجبہاڑہ کے نزدیکی ہسپتال ایس ڈی ایچ منتقل کیا گیا تھا، تاہم ڈاکٹروں نے سیاح کو مردہ قرار دیا۔
بتایا جا رہا ہے کہ مذکورہ سیاح کئی دنوں سے سیر و تفریح کے غرض سے کشمیر میں تھا، اور اچانک سے آج انہیں دل میں درد کی شکایت کی، اگرچہ انہیں علاج و معالجہ کے غرض سے ہسپتال لیا گیا، لیکن وہاں پر ڈاکٹروں نے انہیں مردہ قرار دیا۔

واضح رہے کہ جی ایم سی سرینگر اور شیر کشمیر انسٹی ٹیوٹ آف میڈیکل سائنسز صورہ کے شعبہ امراض قلب میں روزانہ کی بنیاد پر ہارٹ ایٹک کے 20 معاملات درج ہوتے ہیں جبکہ جی ایم سی سرینگر میں یہ تعداد 10 سے 15 کے درمیان دیکھنے کو ملتی ہے۔ماہرین کہتے ہیں کہ اچانک ہارٹ اٹیک کی سب سے بڑی وجہ سگریٹ نوشی ہے.وہیں رہنے سہن اور کھانے پینے میں تبدیلیاں ،فاسٹ فورڈ کا بے تحاشا استعمال، ورزش کی کمی وغیر ایسے چند محرکات ہیں، جس کے نتیجے دل کی بیماریوں میں کافی حد تک اضافہ دیکھا جارہا ہے۔ وہیں نوجوانوں میں بڑھتی منشیات کی بدعت اور بڑھتا وزن بھی ہارٹ اٹیک کے اہم وجوہات بنتے جارہے ہیں۔