دانتیر آتشزدگی: چند گھنٹوں میں پوری زندگی کی کمائی خاک میں مل گئی

دو روز قبل ہوئی آتشزدگی کے متاثرین کو مقامی انتظامیہ نے قریب کے ایک سرکاری اسکول میں منتقل کیا ہے۔ متاثرین نے حکومت سے مدد کی اپیل کی ہے۔

اننت ناگ کے میر دانتر علاقے میں دو روز قبل آتشزدگی کا ایک ہولناک واقعہ پیش آیا۔ اس آتشزدگی میں غلام محی الدین ریشی کا گھر جل کر تباہ ہو گیا۔ افراد خانہ کھلے آسمان کے نیچے اپنی زندگی بسر کرنے پر مجبور ہو گئے ہیں۔

آتسزدگی کی وجہ سے غلام محی الدین ریشی کی زندگی بھر کی کمائی چند گھنٹوں میں خاک میں مل گئی۔ غلام محی الدین مفلسی میں اپنی زندگی بسر کر رہے تھے کہ آتشزدگی نے ان کی مشکلات میں مزید اضافہ کر دیا۔

مقامی انتظامیہ کی جانب سے متاثرین کو گھر کے قریب ایک سرکاری اسکول میں منتقل کیا گیا ہے، تاہم انہوں نے عوام اور حکومت سے مدد کی اپیل کی ہے۔

جموں و کشمیر میں خاص طور پر سردیوں کے ایام میں لوگ ٹھنڈ سے بچنے کے لیے کانگڑی کا استعمال کرتے ہیں، اس کے علاوہ گھروں کو گرم رکھنے کے لیے آگ بھی جلائی جاتی ہے۔ ایسے میں آتشزدگی کا خطرہ ہمیشہ بنا رہتا ہے۔ اور اکثر آگ کی واردات کی خبریں سامنے آتی ہیں۔