اچھابل پولیس نے چوری کا معمہ ایک گھنٹے میں سلجھایا

ضلع اننت ناگ کے اچھابل پولیس نے 2.20 لاکھ روپے کی چوری کے معمہ کو محض ایک گھنٹے میں سلجھاتے ہوئے مسروقہ رقم برآمد کی۔

ضلع اننت ناگ کے اچھابل علاقے میں پولیس نے جمعرات کے روز ڈی ایس پی محمد رفیع راتھر کی موجودگی میں اچھابل میں چوری کی ایک واردات کو محض ایک گھنٹے میں حل کرتے ہوئے مسروقہ رقم کو بر آمد کیا اور ایک گھنٹے کے اندر ہی چور کو بھی گرفتار کر لیا۔

مسروقہ رقم دو لاکھ بیس ہزار روپے بتائی جارہی ہے جس گرفتار چور نے ایک کار کا شیشہ توڑ کر چرائی تھی۔