Tenni Koit Championship اچھہ بل میں ٹینیکوائٹ چیمپئن شپ کا انعقاد

وادی کشمیر میں ٹینیکوئٹ کھیل کو متعارف کرنے کی غرض سے جنوبی کشمیر کے اچھہ بل، اننت ناگ علاقے میں ڈسٹرکٹ لیول ٹینیکوئٹ چیمپئن شپ کا انعقاد عمل میں لایا گیا جس میں بارہ ٹیموں نے شرکت کی۔ Achabal Tenni Koit Championship

اننت ناگ:جنوبی کشمیر کے اننت ناگ ضلع کے اچھہ بل علاقے میں منعقدہ ڈسٹرکٹ لیول ٹینیکوئٹ چیمپئن شپ کا فائنل مقابلہ زون اچھہ بل اور زون شانگس کے درمیان کھیلا گیا۔ ٹینیکوئٹ ایسوسی ایشن اننت ناگ کے زیر اہتمام اس چمپئن شپ میں مختلف زونز کی 12 ٹیموں نے شرکت کی۔ چمپئن شپ میں مختلف اسکولوں سے وابستہ طلبہ و طالبات نے شرکت۔ فائل تقریب میں زیڈ پی ای او، اچھہ بل، محمد عباس ڈار نے مہمان خصوصی کے طور پر شرکت کی۔ صدر ٹینیکوائٹ ایسوسی ایشن اننت ناگ شریف احمد بٹ نے چیمپئن شپ کے انعقاد کا مقصد مقصد بیان کرتے ہوئے کہا: ’’چمپئن شپ کے انعقاد کا مقصد کشمیر کے نوجوانوں میں اس کھیل کو متعارف کرانا ہے کیونکہ یہ کھیل ملک بھر میں کھیلا جا رہا ہے۔‘‘

انہوں نے مزید کہا کہ کھیل کود کی اہمیت و افادیت کو مد نظر رکھتے ہوئے اس ٹورنامنٹ کا انعقاد عمل میں لایا گیا۔ جنرل سیکرٹری، ٹینیکوئٹ ایسوسی ایشن، رابعہ رسول، نے کہا کہ طلبہ کو پڑھائی کے ساتھ ساتھ کھیل کود کی جانب راغب کرنے کی غرض سے ٹینیکوائٹ ٹورنامنٹ کا انعقاد کیا گیا تاکہ طلبہ و طالبات جسمانی طور اور ذہنی طور تندرست اور مضبوط رہ سکیں۔ انہوں نے چمپئن شپ کے انعقاد پر اطمینان کا اظہار کرتے ہوئے کہا کہ ’’طلبہ و طالبات کی کثیر تعداد نے اس چمپئن شپ میں شرکت کی اور آئندہ بھی اس کھیل کو فروغ دیکر کھلاڑیوں کو ایک پلیٹ فارہم مہیا کیا جائے گا۔‘‘

کھلاڑیوں نے بھی چمپئن شپ کے انعقاد پر منتظمین کی ستائش کرتے ہوئے کہا کہ اس طرح کی چمپئن شپ سے نہ صرف کھلاڑیوں کو اپنی صلاحیتیں نکھارنے کا موقع فراہم ہوتا ہے بلکہ انہیں ایک بہتر پلیٹ فراہم بھی مہیا ہوتا ہے۔ چمپئن شپ کے اختتام پر ایک تقریب کا بھی انعقاد کیا گیا جس میں فتح ٹیموں سمیت ٹورنامنٹ میں بہتری کارکردی کا مظاہرہ کرنے والے کھلاڑیوں کو اعزازات سے نوازا گیا۔