وادی کشمیر کو قدرت نے بے تحاشا تحائف سے نوازا ہے۔ جسے مزید جازب نظر بنانے کے لئے یہاں کے قدرتی چشموں، جھیلوں، ندی نالوں اور آبشاروں کا اہم کردار رہا ہے، وہیں دوسری جانب قدرت کے ان نایاب تحائف کو تحفظ فراہم کرنے میں انتظامیہ بے حسی کا مظاہرہ کر رہی ہے۔ کشمیر کے چشمے نہ صرف یہاں کے عوام کی پیاس بجھا لیتے ہیں بلکہ ہزاروں کنال اراضی کو سیراب کرتے ہیں۔ لیکن یہ چشمے دن بدن سکڑتے جارہے ہیں۔
جنوبی ضلع اننت ناگ کے کوکرناگ کا گُگناڈ دئسو، اگرچہ قدرتی لحاظ سے کافی خوبصورت ہے، تاہم یہاں کے لوگوں کو انتظامیہ نے ہر لحاظ سے نظر انداز کیا ہے۔ سرکار کی جانب سے مذکورہ علاقے میں آج تک کوئی بھی تعمیراتی کام عمل میں نہیں لایا گیا۔
گُگناڈ دئسو کے سکڑتے ہوئے چشمے مقامی لوگوں کا کہنا ہے کہ علاقے میں متعدد چشمے موجود ہیں، جو نہ صرف علاقہ کی خوبصورتی بڑھاتے ہیں بلکہ ان کا پانی پینے کے لئے بھی استعمال کیا جاتا ہے۔ ان کا پانی علاقہ کے لئے کافی اہم ہے کیونکہ یہ کھیتوں کو بھی سیرآب کوتے ہیں۔ تاہم ان چشموں کو تحفظ فراہم کرنے میں محکمہ دیہی ترقی پوری طرح سے ناکام ہوچکا ہے۔ ان کا کہنا ہے کہ مذکورہ چشموں کے گردونواح فینسنگ یا دیوار بندی عمل میں نہیں لائی گئی جس کے باعث جنگلی جانور ان چشموں کو گندہ کرتے ہیں اور مقامی لوگوں کے بیمار ہونے کا خدشہ لگا رہتا ہے۔ لوگوں کا کہنا ہے کہ انہوں نے کئی بار یہ معاملہ محکمہ کی نوٹس میں لایا لیکن ان کے اس دیرینہ مطالبے پر کبھی غور نہیں کیا گیا۔اس معاملے کو لے کر اگرچہ ای ٹی وی بھارت کے نمائندے نے محکمہ دیہی ترقی کے بلاک ڈیولپمینٹ آفیسر مظفر احمد کی نوٹس میں لانا چاہا لیکن مذکورہ آفیسر اپنے دفتر میں موجود نہیں تھے، اور نا ہی انہوں نے فون اٹھانے کی زحمت گوارہ کی۔
مقامی لوگوں نے گورنر انتظامیہ سے مطالبہ کیا ہے کہ وہ مذکورہ علاقے میں چشموں کو تحفظ فراہم کرانے کے حوالے سے ٹھوس اقدامات اٹھائیں، تاکہ لوگوں کی مشکلات کا ازالہ ہوسکے۔
