پہلگام: ژالہ باری سے فصلوں کو شدید نقصان، متاثرین کی امداد کی اپیل

شیخ پورہ پہلگام میں 15 منٹ تک جاری رہنے والی طوفانی بارش نے سرسبز کھیتوں کو سفید رنگ میں تبدیل کردیا۔ اس سے کسانوں کو بہت نقصان پہنچا ہے۔

پہلگام کے شیخ پورہ علاقے میں شدید ژالہ باری سے فصلوں کو بہت نقصان پہنچا ہے۔

مقامی لوگوں نے ای ٹی وی بھارت کو بتایا کہ جنوبی کشمیر کے ضلع اننت ناگ کے شیخ پورہ پہلگام میں طوفانی بارش اور ژالہ باری کے بعد سینکڑوں ایکڑ فصلوں کو بہت نقصان پہنچا ہے۔

انہوں نے کہا کہ شیخ پورہ پہلگام میں 15 منٹ تک جاری اس طوفانی بارش نے سبز کھیتوں کو سفید رنگ میں تبدیل کردیا۔ اس سے کسانوں کو بہت نقصان پہنچا ہے۔

اس سال کسان اپنی فصلوں کی اچھی پیداوار کے لیے پُرامید تھے۔ تاہم، بارشوں نے چند منٹ میں ہی ان کی توقعات پر پانی پھیر دیا۔

انہوں نے انتظامیہ سے اپیل کی ہے کہ نقصان کا جائزہ لے کر کسانوں کے مدد کریں۔