Over Dozen Houses Gutted in Anantnag اننت ناگ میں آتشزدگی میں ایک درجن سے زائد مکان خاکستر

ضلع اننت ناگ میں آتشزدگی کے دوران ایک درجن سے زائد رہائشی مکانات اور 10 دکانوں کو شدید نقصان پہنچا ہے وہیں آگ بجھانے کے دوران ایک فائر فائٹر زخمی ہوگیا۔ Residential Houses shops Gutted in Anantnag

اننت ناگ:جنوبی کشمیر کے ضلع اننت ناگ میں آگ کی ایک ہولناک واردات میں میں درجن سے زائد رہائشی مکانات اور10 دکانیں خاکستر ہوگئیں۔ محکمہ فائر اینڈ ایمرجنسی سروسز کے مطابق قصبہ اننت ناگ کی گنجان بستی والے علاقہ ڈانگر پورہ میں درمیانی شب ایک گھر سے اچانک آگ نمودار ہوئی جس نے فوراً ہی قریبی رہائشی مکانات اور دکانوں کو اپنی زد میں لے لیا۔ Fire in Anantnag, Several Structures Gutted

فائر اینڈ ایمرجنسی محکمہ کے عملہ نے بتایا کہ آتشزدگی کے دوران دس کے قریب گیس سلینڈرز دھماکہ کے ساتھ پھٹ گئے جس سے آگ تیزی سے پھیل گئی۔ فائر اینڈ ایمرجنسی عملہ نے مقامی لوگوں کی مدد سے بر وقت کارروائی کرتے ہوئے کافی مشقت کے بعد آگ پر قابو پا لیا۔ انہوں نے کہا کہ بروقت کارروائی کے بعد بستی میں موجود کم از کم 200 گھروں کو آگ سے بچا لیا گیا۔

فائر ٹینڈرز کا کہنا ہے کہ ’’آگ صبح قریب 3بجے نمودار ہوئی۔ فائر سروس اسٹیشن اس علاقے سے صرف نصف کلومیٹر کے فاصلے پر واقع ہے، اس لیے ہم نے فوری طور پر متعدد فائر ٹینڈرز کو مزید عملہ سمیت روانہ کیا جس سے آگ کو مزید پھیلنے سے روک دیا گیا۔ آگ کی واردات میں 13 مکانات کو شدید نقصان پہنچا ہے جبکہ ان میں سے کم از کم 10 دکانوں سمیت کئی مکانات مکمل طور خاکستر ہو گئے۔

آپریشن کے دوران فائر سروسز عملہ کا ایک اہلکار بھی زخمی ہوا ہے جو ہسپتال میں زیر علاج ہے۔