ڈی سی دفتر اننت ناگ میں چار ملازمین کا کورونا ٹیسٹ مثبت آنے کے بعد ضلع ترقیاتی کمشنر اننت ناگ کے کے سدھا نے ملازمین سمیت ڈی سی دفتر آنے والے عام لوگوں کا ٹیسٹ کرانے کا حکم دیا ہے۔ اس سلسلہ میں محکمہ صحت کی جانب سے ڈی سی دفتر کے گیٹ سے متصل آرضی سیمپلنگ کولیکشن سینٹر قائم کیا گیا ہے۔
ڈی سی دفتر اننت ناگ کے باہر سیمپل کلیکشن سینٹر
دستاویزی کام کاج کے سلسلہ میں آرہے لوگوں کی بھیڑ کو دیکھتے ہوئے انتظامیہ کی جانب سے ڈی سی دفتر کے مین گیٹ کو بند کیا گیا اور سکیورٹی اہلکار وقفے وقفے سے لوگوں کو اندر جانے کی اجازت دے رہے ہیں، جس کے سبب گیٹ پر لوگوں کی بھیڑ جمع ہو گئی۔
وہیں میونسپل حکام کی جانب سے ڈی سی آفس کے اندرون اور بیرون جراثیم کش ادویات کا چھڑکاؤ کیا گیا، دوپہر دو بجے تک 80 افراد کا اینٹی جن ٹیسٹ کیا گیا ہے جن کی رپورٹ آنی باقی تھا۔