اننت ناگ: ماحولیات کے تحفظ کو یقینی بنانے کے سلسلہ میں جائزہ میٹنگ

ضلع اننت ناگ میں ماحولیات کے تحفظ کو یقینی بنانے کے سلسلے میں ایک جائزہ میٹنگ منعقد کی گئی جس میں بایو ڈگریڈیبل اور نان بایو ڈگریڈیبل کوڑا کرکٹ کو ٹھکانے لگانے اور آبی وسائل کو پاک کرنے کے علاوہ ماحولیات سے متعلق دیگر امور پر تفصیلی تبادلہ خیال کیا گیا۔

ایڈیشنل ڈپٹی کمشنر اننت ناگ اور ضلع ماحولیاتی کمیٹی کے ممبر سکریٹری کی زیر صدارت متعلقہ محکموں کے افسران کے ساتھ ایک جائزہ میٹنگ کا انعقاد کیا گیا۔

جائزہ میٹنگ کے دوران بایو ڈگریڈیبل اور نان بایو ڈگریڈیبل کوڑا کرکٹ کو ٹھکانے لگانے کے طور طریقہ کے بارے میں آگاہی دی گئی، وہیں کوڑا کرکٹ جمع کرنے کے لئے ہر گھر کو کوڑے دان فراہم کرنے، ماحولیاتی آلودگی، آبی وسائل کو آلودگی سے پاک کرنے کے علاوہ ماحولیات سے متعلق دیگر امور پر تفصیلی تبادلہ خیال کیا گیا۔

میٹنگ کے دوران آبی ذخائر کے تحفظ کے لئے ویسٹ مینجمنٹ (Waste Management) اور حفظانِ صحت میں یوتھ کلبوں کے کردار پر بھی گفت و شنید کی گئی۔

اے ڈی سی نے ایکشن ٹیکن رپورٹ کا بھی جائزہ لیا اور متعلقہ افسران سے کام کاج کی پیش رفت کے بارے میں جانکاری حاصل کی۔

اس موقع پر ایس ڈی ایم بجبہاڑہ، تحصیلدار اننت ناگ، جیولاجی اینڈ مائننگ، میونسپل کمیٹی، جنگلات و پولیشن کنٹرول بورڈ کے افسران بھی موجود رہے۔