تنازع کے دوران زخمی ہونے والی خاتون فوت

ضلع اننت ناگ کے قاضی گنڈ علاقہ میں دو خاندانوں کے بیچ جھگڑے میں چند روز قبل زخمی ہونے والی خاتون نے اسپتال میں دم توڑ دیا۔

ضلع اننت ناگ کے قاضی گنڈ شمپورہ علاقے میں چند روز قبل دو کنبوں کے مابین کسی بات پر جھگڑا ہوا تھا، جس کے دوران ساجدہ بیگم نامی ایک چالیس سالہ خاتون شدید طور پر زخمی ہوئی تھی۔

زخمی خاتون کو نازک حالت میں علاج و معالجے کے لئے سرینگر کے اسکمز (SKIMS) اسپتال میں داخل کیا گیا۔

کئی روز تک موت و حیات کی کشمکش میں مبتلا رہنے کے بعد مذکورہ خاتون نے جمعرات کو آخری سانس لی۔

قانونی لوازمات پورے ہونے کے بعد آخری رسومات کی ادائیگی کے لئے جسد خاکی کو لواحقین کے حوالے کیا گیا۔

پولیس نے اس سلسلے میں معاملہ درج کرکے تفتیش شروع کر دی ہے۔