بجبہاڑہ میں عوامی دربار

اننت ناگ ضلع انتظامیہ کی جانب سے بجبہاڑہ علاقے میں جن ابھیان کے تحت عوامی دربار کا انعقاد کیا گیا، جس میں عام لوگوں نے اپنے درپیش مسائل نائب کمشنر کے سامنے رکھے، دربار میں بجبہاڑہ علاقے سے تعلق رکھنے والے متعدد افراد نے شرکت کی۔

ضلع انتظامیہ اننت ناگ کی جانب سے جن ابھیان کے تحت بجبہاڑہ علاقے میں عوامی سطح پر پروگرام کا اہتمام کیا گیا، دربار میں عام لوگ، اوقاف کے نمائندے ، ایم سی کے پنچ و سرپنچ اور زراعت برادری کے نمائندوں نے بڑی تعداد میں شرکت کی۔

عوامی نمائندوں نے آبپاشی، پینے کے پانی، بجلی کی فراہمی، راشن، سڑک، صحت، تعلیم اور دیگر سماجی مسائل سے متعلق مختلف امور نائب کمشنر کے سامنے پیش کیا۔

اننت ناگ کے ڈیپٹی کمشنر کے کے سدھا نے ایل جی کے ذریعہ شروع کیے گئے جن ابھیان پروگرام کے بارے میں مختصر تعارف کرانے کے بعد انہوں نے دربار میں موجود متعلقہ افسران کو موقع پر ہدایت کی کہ وہ اٹھائے گئے مسائل اور مطالبات کو مقررہ مدت میں حل کریں۔

اس موقع پر نائب کمشنر نے لوگوں کو ضلع میں عمل درآمد کے تحت چلنے والی اسکیموں کے بارے میں جانکاری دی اور لوگوں پر زور دیا کہ وہ ان اسکیموں سے فائدہ اٹھائیں۔

اس دربار میں ایس ڈی ایم، تحصیلدار، زین پی ایچ ای، پی ڈی ڈی، بی ڈی او، صدر میونسپل کمیٹی بجبہاڑہ اور تحصیل افسران سمیت تمام محکموں کے سربراہان بھی موجود تھے

ڈی سی نے عوام سے اپیل کرتے ہوئے احتیاطی تدابیر اپنانے پر زور دیا اور کہا کہ چہرے پر ماسک، صفائی ستھرائی، اور سماجی دوری کو برقرار رکھیں۔

بعدازیں ڈی سی نے زائبہ آپا انسٹیٹیوٹ کا دورہ کیا جہاں پر انہیں معذور بچوں کے لیے انسٹیٹیوٹ کی جانب سے کیے گئے انتظامات کا جائزہ لیا۔

معذور بچوں سے بات چیت کرتے ہوئے ڈی سی نے انکی حوصلہ افزائی کی اور انہیں یقین دہانی کرائی کہ ضلع انتظامیہ کی جانب سے انکو ہر ممکن مدد فراہم کی جائے گی۔