اننت ناگ میں بجلی کے بحران کے خلاف کسان تحریک کا زبردست احتجاج

جنوبی کشمیر South kashmir کے ضلع اننت ناگ میں بجلی کی ابتر صورت حال کے خلاف اسپورٹس اسٹیڈیم سے ڈی سی آفس اننت ناگ تک احتجاجی ریلی کا اہتمام کیا گیا۔ Protest in South Kashmir against Power Crisis بعد ازاں اے ڈی سی اننت ناگ کو اس حوالے سے ایک یادداشت بھی پیش کی گئی۔

اننت ناگ:جموں کشمیر کسان تحریک نام کی تنظیم سے وابستہ کارکنان نے جموں و کشمیر میں بجلی کی ابتر صورت حال پر احتجاج کرتے ہوئے مرکزی سرکار سمیت یو ٹی انتظامیہ کو سخت تنقید کا نشانہ بنایا۔ احتجاجیوں نے بجلی کی ابتر صورتحال پر مرکزی سرکار کو تنقید کا نشانہ بناتے ہوئے کہا کہ ’’جموں و کشمیر میں بجلی کی ابتر صورت حال بی جے پی کی ناقص پالیسیوں کا نتیجہ ہے۔‘‘ Protest in Anantnag against Power Crisis

جموں کشمیر کسان تحریک و سی پی آئی ایم لیڈر غلام نبی ملک نے میڈیا نمائندوں سے گفتگو کرتے ہوئے کہا کہ ’’بجلی کی ابتر صورتحال باعث تشویش ہے، اس سے نہ صرف عام لوگ متاثر ہو رہے ہیں بلکہ تاجر و طالب علم بھی اس کی زد میں آ رہے ہیں۔‘‘ Kashmir Unprecedented Power Crisis انہوں نے مزید کہا کہ ’’جموں و کشمیر میں بجلی کے حوالے سے اس طرح کی ابتر صورتحال نہ کبھی سنی اور نہ دیکھی ہے۔‘‘

احتجاجیوں نے مزید کہا کہ بجلی کی عدم دستیابی کے باعث لفٹ اریگیشن اسکیمیں بے کار ہو گئی ہیں، جس کا راست اثر زرعی شعبہ پر پڑا ہے۔ J&K Electricity Crisis احتجاجیوں نے نعرے بازی کرتے ہوئے کہا کہ ’’اگر جلد از جلد بجلی کی ابتر صورتحال کو قابو میں میں کرنے کے لیے ٹھوس اور سنجیدہ اقدامات نہیں اٹھائے گئے تو آنے والے دنوں میں احتجاج میں مزید شدت لائی جائے گی۔‘‘

احتجاجیوں نے اسپورٹس اسٹیڈیم سے لے کر ڈی سی آفس اننت ناگ تک ریلی کا بھی اہتمام کیا، بعد ازاں اے ڈی سی اننت ناگ کو اس حوالے سے ایک یادداشت بھی پیش کی۔