کشمیری پنڈت ملازم کی ہلاکت Kashmiri Pandit Govt Employee Killed کے بعد احتجاج کے دوران کشمیری پنڈت بی جی پی اور ایل جی انتظامیہ کے خلاف نعرے بلند کر رہے تھے۔ کشمیری پنڈت راکیش نے جذباتی انداز میں کہا کہ ہمیں بتایا جائے کہ ہمارا قصور کیا ہے؟ ہم یہاں بچوں کو پڑھانے یا دوسرے سرکاری کاموں کے لیے تعینات کیے گئے ہیں۔ ہمارا قتل کیوں ہورہا ہے؟
یہ بھی پڑھیں: Protest Against Kashmiri Pandit’s Killing: راہل بٹ کے قتل کے خلاف کشمیری پنڈتوں کا احتجاج
انہوں نے کہا کہ کشمیری پنڈتوں کو بلی کا بکرا بنایا گیا ہے اور بی جے پی انہیں تحفظ دینے میں ناکام ثابت ہوچکی ہے۔ واضح رہے کہ قومی شاہراہ پر دھرنے کے باعث کئی گھنٹوں تک ٹریفک کی نقل وحمل متاثر رہی۔
اننت ناگ میں کشمیری پنڈت کی ہلاکت کے خلاف احتجاج Protest Against Kashmiri Pandit's Killing
اننت ناگ کے مٹن علاقہ میں کشمیری پنڈت کی ہلاکت کے خلاف احتجاجی مظاہرہ کیا گیا۔ کشمیری پنڈت احتجاجیوں نے پہلگام روڈ پر چراغ جلا کر دھرنا دیا اور نعرے بازی کرتے ہوئے راہل بٹ کے ہلاکت کی شدید مذمت کی۔ احتجاجیوں نے انتظامیہ کے خلاف بھی نعرے بازی کرتے ہوئے کشمیری پنڈتوں کے تحفظ کو یقینی بنانے کا مطالبہ کیا۔ احتجاجی پنڈتوں نے کینڈل مارچ نکال کر مقتول راہل بٹ کو خراج عقیدت بھی پیش کیا۔ تازہ ہلاکت کے بعد اقلیتی برادری کے ارد گرد سیکورٹی مزید سخت کردی گئی ہے۔ وہیں احتجاج کی وجہ سے کافی دیر تک ٹریفک کی نقل و حمل متاثر رہی۔ Protest Against Kashmiri Pandit's Killing
